ബസ് കാത്തിരിപ്പുകേന്ദ്രം കാറ്റിൽ തകർന്നു

 പെരുവണ്ണാമൂഴി :ചെമ്പനോട പെരുവണ്ണാമൂഴി റൂട്ടിൽ പന്നിക്കോട്ടൂർ ഉന്നതി മുക്ക് മേഖലയിലെ ബസ് കാത്തിരിപ്പു കേന്ദ്രം കഴിഞ്ഞ ദിവസത്തെ കാറ്റിൽ തകർന്നു. വനം വകുപ്പിന്റെ ഫണ്ടിൽ നിർമിച്ച വെയ്റ്റിങ് ഷെഡിന്റെ ഷീറ്റ് മേഞ്ഞ മേൽ കൂര പൂർണമായും നശിച്ചു.

ഉന്നതിയിലെ ഒട്ടേറെ കുടുംബങ്ങൾ ഉൾപ്പെടെ ഉപയോഗിച്ചിരുന്ന ഷെഡാണ് തകർന്നത്. നിരവധി ബസുകൾ ഉൾപ്പെടെ സർവീസ് നടത്തുന്ന പ്രധാന റൂട്ടാണിത്.

ബസ് കാത്തിരിപ്പുകേന്ദ്രം പുനഃസ്ഥാപിക്കാൻ അധികൃതർ അടിയന്തര നടപടിയെടുക്കണമെന്നു ജനങ്ങൾ ആവശ്യപ്പെട്ടു