വടകരയിൽ നാളെ സ്വകാര്യ ബസ് പണിമുടക്ക്
വടകര: വടകര താലൂക്കിൽ നാളെ സ്വകാര്യ ബസ് സമരം. താലൂക്കിലെ വിവിധ ഭാഗങ്ങളിലുണ്ടാകുന്ന ഗതാഗത കുരുക്ക് പരിഹരിക്കാൻ അധികൃതർ തയ്യാറാകുന്നില്ലെന്ന് ചൂണ്ടിക്കാട്ടിയാണ് സ്വകാര്യ ബസ് തൊഴിലാളികൾ സൂചനാ പണിമുടക്ക് നടത്തുന്നത്. താലൂക്ക് സ്വകാര്യ ബസ് തൊഴിലാളി സംയുക്ത സമര സമിതിയാണ് പണിമുടക്കിന് ആഹ്വാനം ചെയ്തത്.
നാളെ കണ്ണൂർ-കോഴിക്കോട് റൂട്ടിൽ സർവ്വീസ് നടത്തുന്ന ബസ്സുകൾ അഴിയൂരിലും, മൂരാടും സർവ്വീസ് അവസാനിപ്പിക്കണമെന്ന് സംയുക്ത സമരസമിതി അറിയിച്ചു. ദേശീയ പാതയിലെ സർവ്വീസ് റോഡിന്റെയും വടകര-കുറ്റ്യാടി റൂട്ടിലെ നാദാപുരം, കല്ലാച്ചി ഭാഗങ്ങളിലെ റോഡിന്റെ ശോചനീയാവസ്ഥയും കാരണമുണ്ടാകുന്ന ഗതാഗത കുരുക്കും വടകര ടൗണിലെ ഗതാഗത കുരുക്കും കാരണം ദിവസവും മണിക്കൂറുകളോളം വൈകിയാണ് പല ബസുകളും സർവ്വീസ് നടത്തുന്നത്.
Comments
Post a Comment