ചക്കിട്ടപാറയിൽ വീട്ടമ്മയുടെ 15 കോഴികളെ തെരുവുനായകൾ കൊന്നൊടുക്കി

പെരുവണ്ണാമൂഴി: ചക്കിട്ടപാറ പഞ്ചായത്തിലെ വാർഡ് ഒന്നിലെ പറമ്പൽ ഭാഗത്ത് വീട്ടമ്മ വളർ ത്തിയിരുന്ന കോഴികളെ തെരുവുനായകൾ കടിച്ചുകൊന്നു.

ആന്ത്രോത്ത് ഷിജി റോബിൻ വളർത്തിയിരുന്ന 15 കോഴികളെ യാണ് മൂന്നു നായകൾ കൂട്ടം ചേർന്നു അക്രമിച്ചു കൊന്നത്. ഗ്രാമസഭ വഴി ലഭിച്ച 10 കോഴികളുടക്കം ആക്രമണത്തിൽ ചത്തു. വീട്ടുമുറ്റത്ത് കയറി തെരുവുനായകൾ ആക്രമിച്ചത് വീട്ടമ്മക്ക് ഭയത്തോടെ കണ്ടുനിൽക്കാനേ കഴിഞ്ഞുള്ളൂ.

വാർഡ് അംഗത്തെ വിവരം അറിയിച്ചിട്ടുണ്ട്. തെരുവുനായകൾ കാരണം കുട്ടികളെ സ്കൂ‌ളിലയക്കാൻ പോലും വിഷമിക്കുകയാ ണെന്ന് ഷിജി പറഞ്ഞു