'പകൽ പവർകട്ട്': കെഎസ്ഇബി ജീവനക്കാർക്ക് നേരെ ആക്രമണം; കല്ലുകൊണ്ട് ക്രൂരമർദ്ദനം

കാസർകോട്: കാസർകോട് പടന്നക്കാട് കെഎസ്ഇബി ജീവനക്കാർക്ക് നേരെ മർദ്ദനം.

പടന്നക്കാട് സെക്ഷനിലെ സബ് എൻജിനീയർ ശശി,ഓവർസിയർ ശ്രീജിത്ത്, ലൈൻമാൻമാരായ അശോകൻ, പവിത്രൻ എന്നിവർക്കാണ് മർദ്ദനമേറ്റത്. പ്രതികൾ കല്ല് ഉപയോഗിച്ച് സബ് എഞ്ചിനീയറുടെ മുഖത്ത് കുത്തുകയായിരുന്നു.

പകൽ സമയത്ത് വൈദ്യുതി നിയന്ത്രണം ഏർപ്പെടുത്തിയത് ചോദ്യം ചെയ്തായിരുന്നു പ്രതികൾ അധികൃതരെ മർദ്ദിച്ചത്. ആക്രമണം നിയന്ത്രിക്കാൻ സ്ഥലത്തെത്തിയ പൊലീസ് ഉദ്യോഗസ്ഥർക്ക് നേരെയും കയ്യേറ്റ ശ്രമം ഉണ്ടായി. സംഭവത്തിൽ മൂന്നുപേരെ പൊലീസ് അറസ്റ്റ് ചെയ്തു.