കക്കയം പെൻസ്റ്റോക്ക് പൈപ്പ് ലൈൻ പരിശോധന പുനരാരംഭിച്ചു..

✒️ജോബി മാത്യു 

കൂരാച്ചുണ്ട്: കെഎസ്ഇബി കക്കയം ജലവൈദ്യുതി പദ്ധതിയുടെ 2 പെൻസ്റ്റോക്ക് പൈപ്പ് ലൈൻ പരിശോധന പുനരാരംഭിച്ചു.

ഒന്നര വർഷമായി നിർത്തിവച്ചിരുന്ന, കരാർ ജീവനക്കാരുടെ നേതൃത്വത്തിലുള്ള പെൻസ്റ്റോക്ക് പൈപ്പ് പരിശോധനയാണ് വീണ്ടും ആരംഭിച്ചത്.

പൈപ്പ് ലൈൻ പരിശോധനയിൽ കരാർ ജീവനക്കാരെ പിൻ വലിച്ച് സ്‌ഥിരം ജീവനക്കാർക്ക് പേരിനു മാത്രം പരിശോധന നട ത്താൻ തീരുമാനിച്ചത് സുരക്ഷാ പ്രശ്ന‌മാകുന്നതായി കഴിഞ്ഞമേയ് 27ന് മനോരമ വാർത്ത നൽകിയതിനെ തുടർന്നാണ് അടിയന്തര നടപടി ഉണ്ടായത്.

പൈപ്പിന്റെ ജോയിന്റുകളിലെ ചോർച്ച ഉൾപ്പെടെ കണ്ടെത്തുന്നത് പൈപ്പ് ലൈൻ പരിശോധനയിലാണ്. 2 പേർ വീതം ഒന്നിട വിട്ട ദിവസങ്ങളിൽ 2 പെൻ സ്റ്റോക്ക് പൈപ്പ് ലൈനുകളും പരിശോധിക്കുന്ന വിധത്തിൽ മുൻപ് ഉണ്ടായിരുന്ന 'ഫുൾ ചെക്കിങ്ങാണ്' പുനഃസ്ഥാപിച്ചത്. കഴിഞ്ഞ ദിവസം ഡപ്യൂട്ടി ചീഫ് എൻജിനീയറുടെ നേതൃത്വത്തിൽ ഉദ്യോഗസ്‌ഥർ സ്ഥലം സന്ദർശിച്ചിരുന്നു.