വെളിച്ചെണ്ണ സർവ്വകാല റെക്കോഡിലേക്ക്; കിലോയ്ക്ക് വില 400 കടന്നു

തേങ്ങയുടെ ലഭ്യത കുറഞ്ഞതോടെ വെളിച്ചെണ്ണയുടെ വില സർവകാല റെക്കോർഡിൽ. നിലവിൽ മില്ലുകളിൽ ഒരുകിലോ വെളിച്ചെണ്ണയുടെ വില 400 കടന്നു. അഞ്ഞൂറ് രൂപ എത്തിയേക്കുമെന്നാണ് ഉടമകൾ പറയുന്നത്. ബ്രാൻഡഡ് വെളിച്ചെണ്ണ പാക്കറ്റുകൾ 380 രൂപക്കാണ് ഇന്ന് വിൽക്കുന്നത്.

82 രൂപയാണ് ഒരു കിലോ തേങ്ങയുടെ വില. 70 മുതൽ 72 രൂപ വരെയാണ് കർഷകർക്ക് ലഭിക്കുന്നത്. ഉത്പാദനം കുറഞ്ഞതും അനുബന്ധ ഉത്പന്നങ്ങൾ നിർമിക്കുന്ന കമ്പനികൾ വൻതോതിൽ തേങ്ങ വാങ്ങിക്കൂട്ടുന്നതുമാണ് വില വർധനവിന് കാരണം.