ഓനിപ്പുഴയിൽ മരം വീണ് ഒഴുക്കിന തടസ്സം; കരയിടിച്ചിൽ ഭീഷണി

✒️ ജോബി മാത്യു 

പെരുവണ്ണാമുഴി:  ഫോറസ്‌റ്റ് ‌സ്റ്റേഷൻ ഓഫിസിനു സമീപത്തെ പെരുവണ്ണാമുഴി ഓനിപ്പുഴയിൽ വീണതും ഒഴുകി വന്നതുമായ മരങ്ങൾ നീക്കാത്തത് ജല മൊഴുക്കിന് തടസ്സമെന്ന് പരാതി. പുഴയോരത്തെ വനഭൂമിയിൽ നിന്നു വീഴുന്ന മരങ്ങളാണ് പ്രധാന തടസ്സം.

മഴ പെയ്യുമ്പോൾ മരങ്ങൾ നിമിത്തം ഓനിപ്പുഴയിൽ നീരൊഴുക്ക് തടസ്സപ്പെട്ട് ജലനിരപ്പ് വർധിക്കുന്നത് പതിവാണ്. പുഴയോര ത്തെ സ്വകാര്യ ഭൂമി ഇടിഞ്ഞ് കാർഷിക വിളകളും നശിക്കാറുണ്ട്. പെരുവണ്ണാമുഴി - ചെമ്പനോട റോഡിലെ ഓനിപ്പുഴ പാ ലം കരകവിഞ്ഞ് ഗതാഗതം തടസ്സപ്പെടുന്നതും പ്രശ്നമാണ്.

മഴക്കാലം ആരംഭിക്കും മുൻപ് ഇപ്പോൾ പുഴയിലെ മരങ്ങൾ മുറിച്ചു മാറ്റാൻ സൗകര്യമാണ്. പുഴ ശുചീകരിച്ചാൽത്തന്നെ കരകവിഞ്ഞ് ഒഴുകുന്നതും കൃഷി ഭൂമി ഇടിയുന്നതും നിയന്ത്രിക്കാൻ സാധിക്കും. പുഴയിലെ മരങ്ങൾ മുറിച്ചു നീ ക്കി ശുചീകരിക്കാൻ വനം വകുപ്പ് അധികൃതർ അടിയന്തര നടപടി യെടുക്കണമെന്നു നാട്ടുകാർ ആവശ്യപ്പെട്ടു.