മലയോര ഹൈവേ: കൂരാച്ചുണ്ടിൽ എസ്റ്റിമേറ്റ് തയാറാക്കൽ തുടങ്ങി

✒️ ജോൺസൺ പൂകമല 

കൂരാച്ചുണ്ട്: മലയോര ഹൈവേ

നിർമ്മാണത്തിന്റെ ഭാഗമായുള്ള കൂരാച്ചുണ്ട് ടൗണിലെ 800 മീറ്റർ ദൂരത്തിലുള്ള റോഡിന്റെ എസ്റ്റി മേറ്റ് തയ്യാറാക്കുന്നതിനുള്ള നടപടികൾ പഞ്ചായത്ത് അധികൃതരും കേരള റോഡ് ഫണ്ട് ബോർഡ് ഉദ്യോഗസ്ഥരും ചേർന്ന് ഇന്നലെ ആരംഭിച്ചു.

നവംബറിൽ എസ്റ്റിമേറ്റ് നടപടികൾ തുടരാൻ കഴിയാതെ വന്നിരുന്നു. ടൗണിലെ ബാലുശേരി കവല വരെയുള്ള ഭാഗത്തിന്റെ എസ്റ്റിമേറ്റ് പൂർത്തീകരിച്ചിരുന്നു. തുടർന്ന് മേലെ അങ്ങാടി വരെ യുള്ള ഭാഗത്തിന്റെ എസ്റ്റിമേറ്റ് നടപടികളാണ് ആരംഭിച്ചത്. ചെ മ്പ്ര മുതൽ കൂരാച്ചുണ്ട് ടൗൺ ഒ ഴികെയുള്ള 9.3 കിലോമീറ്റർ ദൂരം റോഡിന്റെ എസ്റ്റിമേറ്റ് നേരത്തെ തയ്യാറാക്കി സാങ്കേതിക അനുമ തിക്കായി സർക്കാരിൽ സമർപ്പിച്ചിരുന്നു.

ഇരുപത്തെട്ടാംമൈൽ മുതൽ തലയാട് പടിയ്ക്കൽവയൽ വരെ യുള്ള റോഡിന്റെ നിർമാണ പ്ര വർത്തി പുരോഗമിച്ചുവരികയാ ണ്. പഞ്ചായത്ത് പ്രസിഡന്റ് ഒ. കെ.അമ്മദ്, വൈസ് പ്രസിഡന്റ് റസീന യൂസഫ്, പഞ്ചായത്ത് അംഗങ്ങളായ സിമിലി ബിജു, അരുൺ ജോസ്, വിൻസി തോമസ്, കെആർഎഫ്ബി ഉദ്യോഗ സ്ഥരായ പ്രോജക്ട് എൻജിനീയ ർ കെ. ആദ്യുത് രാജ്, സൈറ്റ് സു പ്പർവൈസർ എം.ജെ അതുൽ, എൻ.കെ കുഞ്ഞമ്മദ് എന്നിവരു ടെ നേതൃത്വത്തിലാണ് എസ്റ്റിമേ റ്റ് തയാറാക്കൽ പ്രവർത്തികൾ നടത്തുന്നത്.