പൊലീസിനെ കണ്ട് എംഡിഎംഎ പൊതിയോടെ വിഴുങ്ങി; താമരശ്ശേരി സ്വദേശിയായ യുവാവ് മരിച്ചു
താമരശ്ശേരി: പൊലീസിനെ കണ്ട് ഭയന്ന് 130 ഗ്രാം എംഡിഎംഎ അടങ്ങിയ പാക്കറ്റ് വിഴുങ്ങിയ യുവാവ് മരിച്ചു. കോഴിക്കോട് മൈക്കാവ് സ്വദേശി ഇയ്യാടന് ഷാനിദാണ് മരിച്ചത്. താമരശ്ശേരി പൊലീസിന്റെ പിടിയിലായപ്പോള് ഷാനിദ് തന്നെയാണ് എംഡിഎംഎ വിഴുങ്ങിയ കാര്യം വെളിപ്പെടുത്തിയത്.
തുടര്ന്ന് പൊലീസ് ഉദ്യോഗസ്ഥര് താമരശ്ശേരി താലൂക്ക് ആശുപത്രിയിലും പിന്നീട് ഡോക്ടര്മാരുടെ നിര്ദേശത്തെ തുടര്ന്ന് കോഴിക്കോട് മെഡിക്കല് കോളജ് ആശുപത്രിയിലും എത്തിച്ചു. എന്നാല് ചികിത്സയ്ക്കിടെ യുവാവ് മരിച്ചു.
സിടി സ്കാന്, എന്ഡോസ്കോപ്പി പരിശോധനകളിലൂടെ ഷാനിദിന്റെ വയറിനുള്ളില് 2 ചെറിയ പ്ലാസ്റ്റിക് പൊതികള് സ്ഥിരീകരിച്ചു. ഈ പൊതികളില് വെളുത്ത തരിപോലെയുള്ള വസ്തുവിന്റെ സാന്നിധ്യവും തിരിച്ചറിഞ്ഞു.
Comments
Post a Comment