കൊയിലാണ്ടി പോലീസ് സ്റ്റേഷനിൽ പ്രതിയുടെ കൈവിലങ്ങ് അഴിക്കാൻ പറ്റാതെ കുടുങ്ങി; മുറിച്ചുമാറ്റി അഗ്നിരക്ഷാസേന.
കൊയിലാണ്ടി: പ്രതിയുടെ കൈയ്യിൽ കുടുങ്ങിയ കൈവിലങ്ങ് മുറിച്ചുമാറ്റി. കൊയിലാണ്ടി പോലീസ് സ്റ്റേഷനിൽ ഇന്ന് ഉച്ചയ്ക്ക് 12മണിയോട് കൂടിയാണ് സംഭവം.
ഡി.വൈ.എസ്.പിയുടെ നേതൃത്വത്തിലുള്ള സംഘം അറസ്റ്റ് ചെയ്ത് സ്റ്റേഷനിലെത്തിച്ച കൊയിലാണ്ടി സ്വദേശിയായ രാജേഷ് എന്ന പ്രതിയുടെ കൈവിലങ്ങാണ് അഴിക്കാൻ പറ്റാതെ കുടുങ്ങിപോയത്. തുടർന്ന് പോലീസ് അഗ്നിരക്ഷാസേനയുടെ സഹായം തേടുകയായിരുന്നു. വിവരം ലഭിച്ചതിനെ തുടർന്ന് കൊയിലാണ്ടി അഗ്നിരക്ഷാസേന സ്ഥലത്തെത്തി കൈവിലങ്ങ് മുറിച്ചു മാറ്റി. ഫയർ ആന്റ് റെസ് 'റെസ്ക്യൂ ഓഫീസർമാരായ ഇർഷാദ് പി.കെ, സിജിത്ത് സി, നവീൻ എന്നിവർ രക്ഷാപ്രവർത്തനത്തിൽ ഏർപ്പെട്ടു.
Comments
Post a Comment