2001 മാർച്ച് 11 കൂരാച്ചുണ്ട് , ചെമ്പനോട ഗ്രാമങ്ങൾക്കും കേരളത്തെ സംബന്ധിച്ചും മറക്കാൻ പറ്റാത്ത ഒരു കറുത്ത ദിനം

2001 മാർച്ച് 11 കേരളത്തെ സംബന്ധിച്ചും കൂരാച്ചുണ്ട് , ചെമ്പനോട ഗ്രാമങ്ങൾക്കും മറക്കാൻ പറ്റാത്ത ഒരു കറുത്ത ദിനം ആയിരുന്നു കാരണം മറ്റൊന്നുമല്ല മലപ്പുറം ജില്ലയിലെ പൂക്കിപ്പറമ്പ് ബസ് അപകടം. ഗുരുവായൂരിൽ നിന്നും തലശ്ശേരിയിലേക്ക് പോവുകയായിരുന്നു പ്രണവം എന്ന സ്വകാര്യ ബസ് നിയന്ത്രണം വിടുകയും തീപിടിച്ച് മറിഞ്ഞ് 41ൽ പരം ആളുകൾ വെന്ത് മരിക്കുകയും ചെയ്തു മൃതദേഹങ്ങൾ പലതും തിരിച്ചറിയാത്ത വിധം കരിഞ്ഞ നിരയിലായിരുന്നു. ഈ അപകടത്തിൽ കൂരാച്ചുണ്ട് സ്വദേശി റോയ് ചുവപ്പുങ്കൽ. ചെമ്പനോട സ്വദേശികളായ രജനി കാവിൽ പുരയിടം. ഷിജി കറുത്ത പാറക്കൽ. റീന പാലറ. ബിന്ദു വാഴക്കടവത്ത് എന്നിവരും മരണമടഞ്ഞു. ജീസസ് യൂത്തിന്റെ  പ്രവർത്തനത്തിന്റെ ഭാഗമായി  ഇടുക്കിയിലെ രാജപുരത്ത് നിന്ന് തിരികെ നാട്ടിലേക്കുള്ള യാത്രയിലാണ് അഗ്നി മരണത്തിന്റെ രൂപത്തിൽ അവരെ വിഴുങ്ങിയത്. കേരളം ഇന്നോളം കണ്ട ബസ് അപകടത്തിൽ ഏറ്റവും ഭീകരമായ അപകടം ഇതുതന്നെയാണ് ഈ അപകടത്തെ തുടർന്നാണ് ബസ്സുകളിൽ എമർജൻസി എക്സിറ്റ് നടപ്പിലാക്കിയത്. മാർച്ച് 11 ചെമ്പനോടക്കാർക്കും കൂരാച്ചുണ്ട്കാർക്കും ഒരു കറുത്ത ദിനം തന്നെയാണ്. 

ഈ അഞ്ചുപേരുടെ ഓർമ്മകളും ജീവിതവും പൂക്കിപ്പറമ്പ് ബസ് അപകടവും അടിസ്ഥാനമാക്കി കൂരാച്ചുണ്ട് സ്വദേശിയും അധ്യാപകരുമായിരുന്ന ശ്രീ ജേക്കബ് കോച്ചേരി അഗ്നിരതത്തിലേറിയവർ എന്ന പുസ്തകം രചിച്ചു ഈ പുസ്തകത്തെ അടിസ്ഥാനമാക്കി ഗോഡ്സ് ബാൻഡ് എന്ന മ്യൂസിക്കൽ ബാൻഡ് സോൾഫിഷേഴ്സ് എന്ന ഡോക്യുമെന്ററി വെബ് സീരീസ് നിർമ്മിച്ചു. നിരവധി പ്രേക്ഷക ശ്രദ്ധ നേടിയ ഈ വെബ് സീരീസ് സംവിധാനം ചെയ്തിരിക്കുന്നത് ചക്കിട്ടപ്പാറ സ്വദേശിയും സിനിമ പ്രവർത്തകനുമായ ജിന്റോ തോമസ് ആണ്. ഗോഡ്സ് ബാൻഡ് യൂട്യൂബ് ചാനലിൽ ഈ വെബ് സീരീസ് കാണാൻ സാധിക്കും. ഈ അഞ്ചുപേരുടെ മരണത്തിന്റെ ഓർമ്മയ്ക്കായി ജീസസ് യൂത്ത് നല്ല അയൽക്കാരൻ പ്രൊജക്റ്റുമായി സഹകരിച്ച് 6 വീടുകൾ നിർമ്മിച്ചു ഈ വീടുകളുടെ വെഞ്ചിരിപ്പ് കർമ്മം മാർച്ച് 10.11 തീയതികളിൽ താമരശ്ശേരി രൂപത അധ്യക്ഷൻ മാർ റെമി ജിയോസ്     ഇഞ്ചനാനി നേതൃത്വത്തിൽ നടക്കുന്നു