ചക്കിട്ടപാറ ; കുളത്തുവയലിൽ ഇടിമിന്നലിൽ വീടിന് നാശം; ഒരാൾക്ക് പരിക്കേറ്റു
ചെമ്പ്ര: ഇടിമിന്നലിൽ വീടിന് നാശ നഷ്ടം. ചക്കിട്ടപാറ പഞ്ചായത്ത് പതിമൂന്നാം വാർഡ് കുളത്തുവയൽ സ്കൂളിന് സമീപം താമസിക്കുന്ന കൊഴക്കോടൻ വിനോദിന്റെ വീടിനാണ് ഇന്നലെ വൈകുന്നേരം നാലോടെ ഉണ്ടായ ഇടിമിന്നലിൽ നാശം സംഭവിച്ചത്. വീടിന്റെ വയറിംഗ്, മെയിൻ സ്വിച്ച്, മീറ്റർ എന്നിവ കത്തി നശിച്ചു. ഇതിനു സമീപം താമസിക്കുന്ന വിനോദിന്റെ സഹോദരി കൊഴക്കോടൻ ബിന്ദുവിന്റെ വീടിനും ഇടിമിന്നലിൽ നാശമുണ്ടായി. വീട്ടുപകരണങ്ങൾ നശി ക്കുകയും വയറിംഗും കത്തി നശിച്ചിട്ടുണ്ട്. പരിക്കേറ്റ വീട്ടമ്മയായ ബിന്ദു പേരാമ്പ്ര ഇഎംഎസ് ആശുപത്രിയിൽ ചികിത്സയിലാണ്.
✍🏻ജോൺസൻ പൂകമല
Comments
Post a Comment