കൂരാച്ചുണ്ട് സ്വദേശിയുടെ നഷ്ടപ്പെട്ട മൊബൈൽ പൊലീസ് കണ്ടെത്തി
കൂരാച്ചുണ്ട് : നഷ്ടപ്പെട്ട മൊബൈൽ ഫോൺ പൊലീസിൻ്റെ നേതൃത്വത്തിൽ ആപ് മുഖേന കണ്ടെത്തി ഉടമയ്ക്ക് കൈമാറി. സെൻട്രൽ എക്യുപ്മെന്റ് ഐഡ ന്റിറ്റി റജിസ്റ്റർ ( സിഇഐആർ) ആപ് മുഖേനയാണ് കൂരാച്ചുണ്ട് സ്വദേശി തൊട്ടിയിൽ വർക്കിയുടെ ഫോൺ കണ്ടെത്തിയത്.
20000 രൂപ വിലയുള്ള ഫോൺ കൊയിലാണ്ടി ചെങ്ങോട്ടുകാവിൽ നിന്നാണ് പൊലീസിനു കണ്ടെത്തിയത്. സീനിയർ സി വിൽ പൊലീസ് ഓഫിസർ എൻ. എം. അനൂപ് ആണ് ഫോൺ കണ്ടെടുക്കാനുള്ള ശ്രമത്തിനു നേതൃത്വം നൽകിയത്. മുൻപ് വളയം പൊലീസ് സ്റ്റേഷനിൽ ജോലി ചെയ്യുമ്പോൾ ഈ എസ്സിപിഒ നഷ്ടപ്പെട്ട ഒട്ടേറെ മൊ ബൈൽ ഫോണുകൾ കണ്ടെത്തി ഉടമകൾക്ക് കൈമാറിയിരുന്നു. എസ്ഐ എസ്.ആർ.സൂരജ് ഫോൺ ഉടമയ്ക്ക് കൈമാറി. എഎസ്ഐ ബിന്ദു, എസി പിഒ സോജൻ എന്നിവർ പങ്കെടുത്തു.
Comments
Post a Comment