തലയാട് ഭാഗത്ത് തെരുവുനായശല്യം രൂക്ഷം

 തലയാട് : തലയാട് ചീടികുഴി ഭാഗങ്ങളിൽ തെരുവുനായ്ക്കളുടെ ശല്യം രൂക്ഷമായി തുടരുന്നു. തലയാട് - ചീടിക്കുഴി റോഡിൽ തെരുവുനായ്ക്കൾ കൂട്ടത്തോടെ അലയുന്നതിനാൽ വിദ്യാർഥികൾ ഉൾപ്പെടെയുള്ള കാൽനടയാത്രക്കാർ ഭീതിയിലാണ്. വളർത്തു മൃഗങ്ങൾക്ക് കടിയേൽക്കുന്ന സംഭവങ്ങൾ വർധിച്ചിട്ടുണ്ട്.

തെരുവുനായ്ക്കൾ റോഡിലൂടെ അലയുന്നത് ഇരുചക്രവാഹന യാത്രികർക്ക് വലിയ ഭീഷണിയാണ്. തെരുവുനായ്ക്കളെ നിയന്ത്രിക്കാൻ നടപടികൾ വേണമെന്ന് നാട്ടുകാർ ആവശ്യപെട്ടു.